सुनसरी । राष्ट्रिय अनुसन्धान कार्यालय ,सुनसरीले हरिनगर गाउँपालिका भित्र रहेका सहकारी तथा लघु वित्तिय संस्थाहरु प्रति अनुसन्धान थालेका छन् ।
हरिनगर गाउँपालिका भित्र रहेका केही सहकारी वित्तिय संस्थाहरुमा देखा परेका समस्याहरु प्रति चासो राख्दै अनुसन्धान थालेको हो । सहकारी ऋण तथा बचत संस्थाहरुमा सञ्चालक तथा व्यवस्थापन समितिका सदस्यहरुले आफु खुशी ऋण लिएको हुँदा र बचत तथा शेयर धनीहरुको लगानी समयमा दिन आनीकानी गरि रहेको अवस्थामा राष्ट्रिय अनुसन्धानको अनुसन्धान तिब्रता लिएको हो ।
हरिनगर गाउँपालिकाका सहकारी शाखा समेत हरिनगर भित्र रहेका सहकारी संस्थाहरुको अवस्था , जोखिम बारे अनभिज्ञ रहेकाले वास्तविक तथ्य संकलनका लागि अनुसन्धानका कर्मचारी सहकारी संस्थाहरु कार्यालयमा गई डाटा संकलन गरिने भएको छ ।
नेपालको राष्ट्रिय अनुसन्धान विभागले पनि देश भरिका सहकारी संस्थाहरुको अवस्थाबारे अनुसन्धान थालेका छन् । स्थानीय सरकारबाट सहकारी संस्थाहरुको नामावाली संकलन , कुन कुन संस्था जोखिममा रहेको र यसले भविष्यमा जनताको लगानी नडुबोस् त्यस तर्फ सजगता अपनाउनका लागि नेपाल सरकारले राष्ट्रिय अनुसन्धान विभाग मार्फत तथ्य संकलन गर्न लागिएको हो ।
