ताविल अन्सारी
सुनसरी । हरिनगर गाउँपालिका सुनसरीले धार्मिक कार्यक्रम वा गतिविधि संचालन गर्दा पूर्व स्वीकृति लिन सबैमा अनुरोध गरेको छ ।
कुनै व्यक्ति वा धार्मिक संघ संस्थाहरुले धार्मिक कार्यक्रम आयोजना गर्दा पूर्व जानकारी दिएर स्वीकृति लिनका लागि सबैमा अनुरोध गरेको हो । केही दिन यता प्रभु प्रमेश्वरको भजनमण्डली गर्दा आफनो धर्म संस्कृतिको रक्षा र क्रिश्चियन धर्मको प्रचार प्रसारलाई रोक्नका लागि हिन्दु समुदायका व्यक्तिहरु , संगठनहरुले विरोध गर्दा अशान्ति र झडपको स्थिति सम्म सृजना हुने गरेकाले पनि हरिनगर गाउँपालिकाले पूर्व स्वीकृतिका लागि सबैमा अनुरोध गरिएको अनुमान गर्न सकिन्छ ।
हरिनगर गाउँपालिकाले हरिनगर इलाका प्रहरी कार्यालय र त्यस मातहद रहेका सबै प्रहरी चौकीमा समेत जानकारीको लागि पत्राचार गरेको छ ।
