सुनसरी । कोशी गाउँपालिका सुनसरीले हालै संचालनमा ल्याएको प्रसुति गृहमा पहिलो पटक बच्चा जन्माउने आमालाई पुरस्कृत गरिएको छ ।
केही दिन अगाडी मात्र कोशी गाउँपालिकाको वडा नं.५ साबिक कम्याहीमा संचालन गरिएको प्रसुति गृहमा स्थानीय इशरत जहाँले शिशु जन्म दिएकीले पहिलो आमालाई पालिकाले नगद रु. ५ हजार दिएर पुरस्कृत गरिएको हो ।
कोशी गाउँपालिकाका अध्यक्ष एयुब अन्सारीको स्वकीय सचिब धर्मेन्द्र विश्वासले सो रकम हस्तान्तरण गर्नु भयो । यसै गरि पालिका उपाध्यक्ष अनिता देवी यादवले रु. ३ हजार र सो वडाका वडाध्यक्ष शाहजमाल मियाँले रु. पचिस सय प्रदान गरेको छ ।
