हरिनगर गाउँपालिका अध्यक्षद्धारा होली पर्वको शुभकामना
सुनसरी । हरिनगर गाउँपालिका सुनसरीका अध्यक्ष हाजी गफार अन्सारीले हरिनगर गाउँपालिका परिवार , समस्त हरिनगरबासी तथा समस्त नेपालीहरुलाई होली पर्वको शुभकामना दिनु भएको छ ।
धार्मिक कर्म(उमरा)का लागि अहिले पालिका अध्यक्ष हाजी गफार अन्सारी साउदी अरबको मक्कामा हुनु हुन्छ र होली पर्वको खुशीयालीमा वहाँले मक्का बाटै हरिनगरबासी तथा समस्त नेपालीहरुलाई सुख शान्ति र सुस्वास्थ्यको कामना गर्दै शुभकामना व्यक्त गर्नु भएको हो । यसै गरि हरिनगर गाउँपालिकाका कार्यबाहक अध्यक्ष रिमझिम भगतको प्रमुख आतिथ्यमा प्रमुख प्रशासकीय अधिकृत तुलाराज थापा मगरको समुपस्थितिमा हरिनगर पालिकाका कर्मचारीहरुले होली पर्वको उपलक्ष्यमा एक आपसमा रंग लगाएर आपसी भाइचारा ,धार्मिक सहिष्णुताका साथ मनाएका छन् ।
