सुनसरी । हरिनगर गाउँपालिका सुनसरीले सुनसरीका प्रमुख जिल्ला अधिकारी इन्द्रदेव यादवलाई सम्मान सहित विदाई गरेको छ । हरिनगर गाउँपालिकाका अध्यक्ष गफार अन्सारीले सुनसरीबाट सरुवा भई सर्लाही जान लाग्नु भएका सुनसरीका प्रजिअ यादवलाई सम्मान पत्र प्रदान गरेका हुन । वहाँ १५ महिनाको कार्यकाल पूरा गरि हालै नेपाल सरकारको निर्णय बमोजिम सुनसरीबाट सरुवा भई सर्लाही जिल्लाको प्रमुख जिल्ला अधिकारी भएर जान लाग्नु भएको हो ।
सुनसरीमा नयाँ प्रमुख जिल्ला अधिकारीको रुपमा हुमकला पाण्डे आउँदै हुनु हुन्छ । सो अवसरमा पालिकाका प्रमुख प्रशासकीय अधिकृत तुलाराज थापा मगर , योजना प्रमुख रमेश स्वर्णकार , शाखा प्रमुखहरु , कर्मचारीहरु , जनप्रतिनिधिहरु , पत्रकारहरु समेतले प्रजिअ यादवको सम्मान सहित विदाई गरेका छन् ।
