ताविल अन्सारी
सुनसरी । हरिनगर गाउँपालिका सुनसरीमा विद्यालयहरुमा स्वास्थ्य तथा पोषण सप्ताह शुरु भएको छ ।
हरिनगर गाउँपालिकाका सामुदायिक विद्यालयहरुमा विद्यालय स्वास्थ्य तथा पोषण सप्ताह शुरु भएको हो ।
हरिनगर गाउँपालिका वडा नं.१ स्थित श्री बाल कृष्ण मा.वि.मा चेतनामुलक , स्वास्थ्य परीक्षण तथा सरसफाई अभियानका साथ विद्यालय स्वास्थ्य तथा पोषण सप्ताह कार्यक्रम संचालन गरिएको जानकारी गराएको छ ।
सो विद्यालयका विद्यार्थीहरुलाई सन्तुलित आहार , जंक फुड तथा त्यसबाट हुने हानी नोक्सानीबारे प्रशिक्षण दिइएको थियो भने विद्यालय सरसरफाई समेत गरिएको थियो । विद्यालयमा विद्यालयहरुको नियमित स्वास्थ्य चेक जाँच तथा औषधि उपचारका लागि संचालन गरिदै आएको स्वास्थ्य उपचार केन्द्रकी प्रमुख सिनियर हेल्थ नर्स किरन मेहताले विद्यालय स्वास्थ्य तथा पोषण सप्ताह कार्यक्रमको सहजीकरण गरि रहेको विद्यालयका प्र.अ. नजाम अन्सारीले बताउनु भयो ।
