राष्ट्रिय समाचार अर्थतन्त्र पर्यटन १७ फाल्गुन २०८०

गन्धर्व कलाकारहरु हरिनगर गाउँपालिकामा

ताविल अन्सारी
हरिनगर । हरिनगर गाउँपालिका सुनसरीमा बृहद गन्धर्व साँस्कृतिक अभियान कार्यक्रमको आयोजना भएको छ । पूर्व मेचि देखि पश्चिम महाकाली सम्मको पूर्वाञ्चल गन्धर्व सँस्कृति उत्थान समाज पथरियाले संचालन गरेको अभियान अन्र्तगत बृहद गन्धर्व साँस्कृतिक कार्यक्रम हरिनगर गाउँपालिकामा संचालन गरिएको हो । हरिनगर गाउँपालिकाका अध्यक्ष हाजी गफार अन्सारी मियाँको प्रमुख आथित्यमा सम्पन्न गरिएको सो कार्यक्रममा कार्यक्रम संयोजक रविन गन्र्धवले नेपालमा कला सँस्कृतिको सम्मान नगरेकै कारण कला सँस्कृति लोप हुन लागेको बताए । लोप सँस्कृतिमा गन्र्धव सँस्कृतिलाई पनि समावेश गर्नु पर्ने , साँस्कृतिक गन्र्धव संग्रालयको स्थापना हुनु पर्ने , गन्र्धव साँस्कृतिक ब्याण्ड बनाउन ,कला सँस्कृतिको जर्गेनाका लागि अभियान संचालन गरिएको बताएका थिए । देश भक्ति लोक गितहरुको समुधुर गुन्जनबाट संचालन गरिएको सो कार्यक्रममा पालिका उपाध्यक्ष रिमझिम कुमारी भगत , प्रमुख प्रशासकीय अधिकृत तुलाराज थापा मगर , वडाध्यक्षहरु , जनप्रतिनिधिहरु ,कर्मचारीहरु लयागतको उपस्थिति रहेको थियो ।