राष्ट्रिय समाचार २५ चैत्र २०८०

हरिनगरमा हिन्दु सम्राट सेनाद्धारा सुरक्षा निकायमाथि सांघातिक हमला : डिएसपी सहित १५ प्रहरी घाइते

सुनसरी । सुनसरीको दक्षिणवर्ती क्षेत्रको हरिनगर गाउँपालिकामा हिन्दु सम्राट सेनाले सुरक्षा निकायमाथि सांघातिक हमला गरि डिएसपी सहित १५ जनालाई घाइते बनाएका छन् । भुटाहामा हिन्दु सम्राट सेनाका युवा जीवन मेहतालाई कुटपिट गरेको घटनाबाट हिन्दु मुस्लिम विच भडकिएको सम्प्रदायिक दंगालाई नियन्त्रण गर्न पुगेका सुरक्षाकर्मीमाथि हरिनगर बजारमा सांघातिक हमला गरिएको हो । चैत्र २२गते भुटाहामा जीवन मेहतालाई कुटपिट गरिएको घटनाले भड्किएको सम्प्रदायिक दंगा नियन्त्रण गर्न सुनसरी प्रशासनले र्कपmयु जारी राखी सदभाव र वार्ताका लागि बोलाइएको सर्वदलिय बैठक निष्कर्षविहिन भए पछि आन्दोलनमा उत्रेका हिन्दु सम्राट सेनाको कारबाहीमा डिएसपी सहित १५ जना प्रहरी घाइते भएका छन् ।
 स्थिति नियन्त्रणमा लिन प्रहरीले चार राउन्ड हवाई फायर र केही राउन्ड अश्रुग्याँससँगै केही राउन्ड ब्लाङ्क फायर गरिएको डिएसपी भण्डारीले बताए। अहिले भने त्यहाँ स्थिति नियन्त्रणमा आइसकेको छ। राजनितिक स्तरबाट जिल्लामा राजनितिक दलका प्रतिनिधिहरु , जनप्रतिनिधिहरुले सहमति गरि सके पछि पनि आन्दोलन जारी रहेकाले पनि वार्र्ता र छलफलका लागि इलाका प्रहरी कार्यालय, हरिनगरामा बसेको बैठकमा पालिका अध्यक्ष गफार अन्सारी उपस्थित नभएसम्म सहमति नगरिने अडान लिदै निष्कर्षविहिन बैठक पछि आक्रोशित हिन्दु सम्राट सेनाका कार्यकर्ताहरुले पुनः आन्दोलन चर्काए पछि नियन्त्रणका लागि खटिएको सुरक्षा निकायमाथि आक्रमण भएको जिल्ला प्रशासन कार्यालय सुनसरीले जनाएको छ ।