काठमाडौं । भारतीय महिला लिग खेल्न नेपाली राष्ट्रिय महिला फुटबल टिमका चार खेलाडी भारत प्रस्थान गरेका छन् ।
नेपाली महिला टिमका मिडफिल्डरद्वय रेनुका नगरकोटे र सरु लिम्बुसँगै फरवार्ड सावित्रा भण्डारी र गोलकिपर एन्जिला तुम्बापो सुब्बा बिहीबार भारत गएका हुन् ।
लिगमा नेपालका ६ खेलाडी अनुबन्धित भए पनि अहिले चारजना मात्र त्यसतर्फ लागेका हुन् । ६ मध्ये मिडफिल्डर दीपा शाही र रक्षक गीता रानामगर नेपालमै छन् ।
लिगमा रेनुका र सरुलाई किक स्टार्टले क्लबले अनुबन्ध गरेको छ । यता, सावित्रा भण्डारी भने गोकुलम केरलामा अनुबन्धित छिन् । गोलकिपर एन्जिलालाई सेथु एफसीले अनुबन्ध गरेको छ ।
